Asociación de Axuda á Integración Social Con.TI.go e unha entidade sen ánimo de lucro, do eido social, que foi fundada no ano 2016 por un grupo de persoas preocupadas e concienciadas con certas problemáticas, que dan lugar a desigualdades e inxustizas sociais como por exemplo a violencia machista, conducta que tende a ir en aumento nos últimos tempos sobre todo entre os adolescentes.

Ca finalidade de dar resposta a este tipo de situacións a Asociación de Axuda á Integración Social Con.TI.go comezou nese mesmo ano de creación a traballar a educación en igualdade de xénero e a prevención da violencia de xénero en centros educativos con alumnxs de E.S.O a través de accións de sensibilización (talleres, relatorios e homenaxes on motivo de diferentes datas coma o 25N e o 8M, xa que a prevención e a educación son o mellor xeito de abordar esta problemática social que se está a producir na sociedade e que tanto nos preocupa.

Os fins para os que foi creada a asociación de Axuda á Integración Soial Con.TI.go,  son a Integración de colectivos en situación de risco de exclusión social; fomentar a participación na vida social e cultural da comunidade de todos os colectivos; mellorar as realcións de comunicación, e as relacións sociais entre os distintos colectivos e a sociedade; Contribuír á mellora da calidade de vida de todos aqueles colectivos que se atopen en situación de necesidade; Contribuír a impulsar e a dinamizar a vida das mulleres, coa finalidade de promover, fortalecer e consolidar o cambio de valores e da transformación necesaria para avanzar na igualdade real e efectiva por razón de xénero, con especial relevancia no eido educativo e no rural, para visibilizar e por en valor o papel das mulleres na mellora da calidade de vida, do asentamento da poboación e da dinamización do territorio en termos de igualdade e sustentabilidade.